الثلاثاء، 19 مايو 2020

مدونة عن سنة سادس الجزء الثاني باطنية


الباطنية




طبعاً أكثر مادة كنت خايفة منها بسنة سادس هي الباطنية بسبب الكلام اللي سمعناه من الدفعة السابقة واقولكم هالشيء هي مادة ثقيلة تحتاج جهد كبير بس مو لدرجة خوفنا منها والدرجات حسب جهدك بتحصل .. الحمدلله أنا حصلت على درجة ممتازة وعلى مستوى جهدي وأحسن من الجراحة ..

بديت سنة سادس بهدفين أولا تأسيس نفسي كويس بالمادتين الأساسية عشان يخف علي ثقل اختبار الهيئة وثاني شيء أحافظ على معدلي ..
أنصحكم تشدون حيلكم فيها لأن تقريباً اشوفها أهم مادة وأساسك يكون قوي فيها جداَ مهم سواء بحياتك العملية القادمة أو اختبار الهيئة فاختصرو على نفسكم وادرسوها كويس 

طبعاً تعبت فيها تعب مب طبيعي بس حصلت جهدي فترة الثلاث شهور ما طلعت زيارات الا يمكن مرة ,, جلسة أهلي تركتها اهلي تقريبا يشوفوني لما اصحى بس ,, كنت اذاكر واراجع لأن المنهج كبير والمتوقع كثير..


 مديول عليه ٢٠ ساعة عبارة عن ١٢ اسبوع  مقسمة مستشفى ومحاضرات أول ثلاث أسابيع محاضرات بعدين الباقي دوام المستشفى  تبدون اختبارات نهائية من الاسبوع الـ11 بعكس بقية المواد نبدأ من الاسبوع الـ12 
ويومياً عندكم مناقشة مع الدكتور تاخذون حالات وتقدمونها زي رابع بس يطلبون منكم منجمنت وانفزتقيشن 
وحضور الميتنق الصبح اجباري..
هذا بالنسبة للدوام.

بالنسبة للمحاضرات حضورها مهم وتدوين كلام الدكاترة مهم ويجي بالاختبار 
عدد المحاضرات كثير وطويلة مقارنة بالجراحة وتحتاج فهم وحفظ 
غير ان المهارات السريرية برابع لازم تتراجع 

أنا حاولت ألخص المحاضرات لكن ما أمداني على الكل وفيه خالد القرني طالب من الأولاد كان ملخص وملخصاته مرتبه الله يجزاه خير وفيها المهم فكانت المحاضرات اللي ما أمداني ألخصها أذاكرها من ملخصه وأضيف عليه لو حسيت فيه شيء مهم ما انذكر بالملخص

تقسيمة الدرجات: 
  • 3 Quizes (5)
  • Mid 20 (15MCQs+5OSPE)
  • Final 30(25MCQs+5OSPE)
  • Long case 25
  • short case 15
  • Oral 5 
بالنسبة للاختبار: 

الميد والفاينل كلهم أسئلة معقولة واللي مذاكر كويس بيحل وأكيد لابد انه يكون في أسئلة غريبة لكن هذا بالمجمل 
تتكرر من التجميعات كثير فمهم تمرون على التجميعات قبل الاختبار >> تواصلو معي ارسلكم التجميعات ..

اما الاوسبي عادي الصور تطلع عن الموضوع ويجيبون مثلا صور من اشياء رابع الحقيقة هذي الاشياء اعتمدت على محصلتي السابقة وفهمي للمحاضرات وحليتها لذلك ما عندي أي نصيحة ل هالشيء غير انكم تشوفون صور كثير ومهم تمرون على التجميعات تكرر منها كثير ..


المحاضرات في جزء كبير الطلبة شرحوه سمنار المشكلة انها مواضيع كبيرة غير كذا بعضها جديد اول مرة ندرسه ,, كيف ذاكرتها بكتب لكم تحت
زائد فيه مواضيع يتوقعون منك تعرفينها من رابع وتجي اورل زي 


  • hepatitis + serology interpretation احنا طلبنا د عبدالوهاب يراجعها بسشن وكانت جدا مفيدة.. 
  • IBD الصراحة هذي قالوا لنا انها مهمة بس ما جا عليها اسئلة 
  • Rheumatic fever ما جا عليها اسئلة لكن جا للي اكبر مننا 
  • Cholecystitis 
  • jaundice approach جا لوحدة من زميلاتي لونق كيس وكان عنده اوبستركتف جوندس 
  • GBS ماجا عليها اسئلة بس قالو تجي لونق كيس  
  • eye tract injury تجي اوسبي وتكررت كثير 
  • chorea and hungtinton disease قالو لنا تجي اورال مع دفرنشيال للكوريا 
مصادر المذاكرة: 


  • المحاضرات جدا مهمة خلصوها بعده توسعوا بالمصدر اللي يريحكم 
  • kumar clinical medicine 
  • Oxford medicine handbook 
  • step up to medicine 
  • Davidson 
  • AMBOSS 
هذي المصادر اللي فتحتها وبقولكم على حسب المواضيع 

انا مصدري الرئيسي كان موقع AMBOSS لكن بعض المواضيع ما حبيتها فيه..

مصادر مذاكرتي:


1- المحاضرات:



  •  bronchial asthma and pneumonia from Davidson and step up +lecture notes 
وسويت ملخص منهم ..


  • COPD from lecture and AMBOSS
  • anemia 1 from Oxford 
  • بشكل عام محاضرات دكتور سيف اعتمدوا اكسفورد
  • anemia 2 Davidson and Oxford  + lecture notes 
لخصتها مع كلام الدكتور لأن كلهم قالو مهم تعرفون تفاصيلها ومنتشر بالسعودية ,, غير كذا يجي لونق كيس كثير 

  • الهيبرتنشن اعتمدت أمبوس وكان كافي ووافي بس احفظوا كل شيء فيه والمضاعفات والمنجمنت حقها جانا صورة اوسبي Aortic dissection 
سأل عن ايش بنلقى كلينكال بقياسات الضغط + best management + BP goal

محاضرة طويلة بس مهمة وكثير عليها أسئلة بتفصيل مثلا الافريقي ايش افضل علاج له والديبيتك والخ تجي كيس سيناريو 
  • الكارديولوجي اعتمدت كلام الدكتور بهاء بس كان عندي مشكلة ما اقدر احفظ سلايداته فلخصت بعضهم 
  • دكتور عبدالوهاب اعتمدت كلامه والسلايدز
  • نفس الشيء دكتور محمد نور اعتمدت على النوت اللي اكتبها معه ورتبتها بملخص 
  • نفس الشيء النيفرو اعتمدت كلامه 
  • stroke نوتات الدكتور مع أمبوس كان رائع ,, خصوصاَ ان الدكتور يهمه level of injury 
  • محاضرات د فلاته كلامه كافي واذا تبون تفهمون الموضوع اكثر افتحو أمبوس كان جدا جميل بالــ epilepsy
  • Vasculitis المحاضرة كافية 
  • rheumatology 1+2 ملخص خالد القرني رائع فيه كل شيء مهم 
  • thyroid disease ذاكرت كلام الدكتور + AMBOSS يتكرر كثير باختبار الأورال 
  • PUO + DM Mx اعتمدت المحاضرات بس احفظوهم صم لأن تجي بالحرف .. وأسئلة كثيرة عليها.. 
  • محاضرات الديرما الحقيقة ما امداني عليها ولا ذاكرتها وجا تقريبا عليها بالفاينل 3 والميد 3 
  • liver cirrhosis من المحاضرة وأمبوس 
  • headache and MS اعتمدت المحاضرات ما كان عندي وقت اتوسع مع انه الموضوعين مهمة .. 

2- السمنارات: 


  • Bleeding disorders 
platelet and coagulation disorders and anticoagulants from step up  
لكن بالسشنات زادو كلام عن الوارفرين والانتراكشن حقه مع الاكل والادوية بحثت عنه وكتبته لان مو موجود بستب اب ,, قالو انه مهم تعرفونه ممكن يجي باللونق كيس 

لكن DVT and PE from AMBOSS 
المحاضرة هذي طويلة مرره ,, المواضيع المهمة فيها هذي  وجتني لونق كيس DVT وكثير هالموضوعين جوا اورال وذاكرتهم من مصدر واسع لكن الباقي من ستب اب وكان كافي 




  • RTA كلام الدكتور اللي كتبته معه + قريت أمبوس 
  • ABG أمبوس 
  • parkinson seminar كلام الدكتور وملخص خالد ,, فتحت أمبوس ب مرض الباركنسون لأن حسيته أهم موضوع ,, غير انه الساينز بشكل عام مطلوبة ممكن تجيكم فيديو ويسألونكم ايش هذا وايش الدفرنشيال بالاورال او الاوسبي  
  • endocrine emergency ملخص خالد وقريت المواضيع بشكل عام من أمبوس ,, لكن الـ DKA Mx شفت كومار مفصله بطريقة حلوة وذاكرت المنجمنت من هناك ...
  • dyslipidimia from AMBOSS
  • pleural effusion درستها من كلام الدكتور + امبوس وسويت لها ملخص خفيف 
  • UTI كلام الدكتور وتعليقاته وستب اب مدسن 
  • ECG د بهاء الله يجزاه خير عطانا محاضرة اضافية لأساسياته وما فهمته الا منه وذاكرت كلامه وشفت صور ECG كثير اكتبو ECG library وبتلقون كثير,, مهمة هالمحاضرة مرره ومطلوب منكم انتربتيشن كامل و site of MI , artery affected and how to manage stepwise مهم الموضوع لحياتكم الجايه و لاختبار اللونق كيس لو جاكم د بهاء بيطلب انتربتيشن للاي سي جي غير ان الاوسبي مليان منها ونفس الشيء لو جاكم اورل  ,, بالنسبة للـ ACS فيه جدول ب أمبوس رهيب مرتب الانتربتيشن انصحكم تشوفونه ..  واستغلوا وجود العلامة د بهاء بتحبون الكارديو معه جانا سيشن وحرفيا من اجمل السشنات كنت جدا مبهورة بعلمه ماشاءالله ..
  • benign essential tremor حفظت كلام الدكتور 


نجي للاختبارات وطريقتها: 

الاختبار الكتابي والاوسبي زي اي اختبار اختبرتوه قبل .. 

نجي للشفوي:

 بيكون يوم الاربعاء اللي الاحد اختبار نهائي
4 لجان كل لجنة فيها 3 دكاترة من اللي درسوكم وبيوصلكم جدول لكل شخص مع اي لجنة 
مدته 10 دقايق 
فيه تقريبا 21 رقم تختار منهم ويطلع لك موضوعك 
المواضيع اللي جتنا وجت الدفعات السابقة هي كالتالي: 
  1. stroke 
  2. ACS 
  3. DVT 
  4. PE 
  5. paraproteinmia 
  6. nephrotic 
  7. nephritic 
  8. rheumatoid arthritis 
  9. coma -- GCS
  10. ataxia 
  11. thyroid nodule 
  12. hyperthyroidism 
  13. lung abscess
  14. UTI with sepsis 
  15. SLE
  16. Hypertrophic cardiomyopathy
  17. Parkinsons
  18. pneumonia 
  19. viral hepatitis with cirrhosis 
  20. iron deficiency anemia 
  21. diarrhoea 
  22. hypothyroidism 
  23. thyroid storm 
فيه قروب تلقرام تواصلوا معنا نعطيكم الرابط راسلين فيه اسئلة الدكاترة لكل بنت ,, 

انا لجنتي كانت د عبدالله ود بهاء و د فلاته ,,  جتني نيفروتك اول شيء عرض لي هستوري للور لمب ايديما وكانت بايلترال قالي ايش بتسوين قلت باخذ هستوري كامل واقزامنيشن قال  اعطيني دفرنشيال وعطيته بعدها وراني الاقزامنيشن للايديما وقالي ايش تشوفي ؟ قلت pitting edema bilaterally   قال ابي دفرنشيال وعطيته بعد كذا قالي ايش الخطوة الجاية قلت انفزتقيشنز وقلت اللي المفروض نطلبهم وكل وحده لايش 
بعده طلع لي اللاب حق البيشنت وقالي وش عنده قلت نيفروتك كان جدا واضح عنده هايبرلبيديميا وكل الكرايتيريا + عنده ايرون دفشنسي انيميا علقت على هالموضوع وقلت لهم انه غالباً بسبب chronic disease وانبسطوا 

اخر شيء قالي المنجمنت قلت لهم اول شيء ستيرويد وعطيتهم الدوز وقلت ثاني شي الـ ACEI عشان البروتين يوريا وستاتين عشان الهايبرلبيديميا وقلت انه لازم vaccination  عشان هم high risk 

وقلت بتابع معهم قالوا ليش قلت عشان اشوف الاستجابة للعلاج واعراض الكورتيزون قالو اذكري 3 وذكرتهم قالو لو المريض مع علاجك ما تحسن وش تسوين قلتBiopsy 
والحمدلله حسيت اني اديت كويس وخلصت قبل ما يخلص الوقت بخمس دقايق .. قالوا لي ما اعطيتينا مجال نسالك كل ما سالنا جاوبتي والحمدلله كله توفيق من الله ..

توقعوا يسالونكم خارج المنهج لكن قليل وعليها درجات قليل ,, 


نجي للونق والشورت كيس: 
طريقة الاختيار بالقرعة بين مستشفى العسكري ومستشفى التخصصي 
وكذلك يوم الاختبار بالقرعة  ,, يبدا اختبارات اللونق كيس من يوم الاثنين مباشرة بعد النهائي ,, على حسب قرعتك يكون يومك يا اثنين يا ثلاثاء يا اربعاء يا خميس 
انا كان يوم الثلاثاء مع د عزالدين  ود وليد 

بعده توصلكم تقسيمه الدكاترة وكل احد مع اي لجنة 
الشورت واللونق كلها بنفس اليوم 
لازم التواجد قبل الساعة ثمانية 
بالنسبه للونق يخلونك ساعة مع المريض 

انا كانت اللونق DVT unusal presentation 
كان عمره 22 ولد وجاي بانتفاخ بالساق كان جدا متعاون ولله الحمد وعمره صغير وكله توفيق من الله 
طبعا مع الهستوري طلع يسافر مدة طويلة بالسياره يوميا وعنده باست هستوري مرتين جلطات بالساق 
وبس الباقي سليم 
اخذت منه هستوري كامل وحرصت على الرسك فاكتور 
وسويت له فحص كامل ورتبت الكلام وانا عنده عشان لو نسيت شي اساله على طول وانا ارتب 
كان عنده فايندنق واضح 
unilateral swelling 
pitting edema 
وقست الفرق بين الساقين كان اكثر من 3cm 
بعد ساعة اخذني الدكتور وعرضت لهم الهستوري وسالوني 
عن wells criteria 
وعن Ddx of unilateral edema
وقالو ما تلاحظين انه برزنتيشن غريب قلت الا قالوا ايش تتوقعين قلت thrombophilia قالو ايش كمان 
جاني وقتها منتال بلوك ماعرفت اقول شيء 
قالو لو جتك وحدة حامل بنفس الاعراض ايش تتوقعين يكون عندها قلت protein s or c deficiency
قالو ايش كمان تنحت طلع ينتظرون antiphospholipid syndrome   
سالوني لو لقيتي عنده ulceration ايش يجي ببالك طبعا مافهمت السؤال وقتها لكن طلع يبون phlegmasia cerulea dolens لو كان قال ساينوزز عرفتها 😆😆

جا الاقزامنيشن قالوا سويه عند المريض وقولي الفايندنق
سويت الفحص بناء على اللي تعلمته بالجراحة لأن ما راجعت هالموضوع قبل الاختبار فسويت PVE + DVT criteria examination 
اول شيء علقت بالانسبكشن انه ماعنده visible superficial vein قال ليه قلتي كذا قلت لانه من الكرايتيريا 
بعده لمست للحرارة وسويت فحص للايديما بس ما عجبه قال عيدي عشان اعطيك الدرجة عدته وماعجبهم 

فلذلك ركزوا واسالوهم كيف يبونكم تفحصون خصوصا الsigns 

المهم وقست الفرق بين الساقين بناء على سهم مرسوم برجل المريض قالي لو مافيه هالسهم كيف تفحصين طبعا تفلسفت ههههههه وغلط لاني الحقيقة ماعرف المعلومة لكن كان باين انهم مب متوقعين مني اعرفها ..

بعده سالني ايش تسوين انفزتقيشن قلت doppler US
قال متى نسوي ال D-dimer low risk or high risk ? قلت low risk to exclude 
بعدين قالي انتي كنتي بالطواري وجاك نفس هالمريض وش تسوين له 
قلت ABC 
قال وبعدين قلت هستوري واقزامنيشن 
قال وبعدين قلت ببدا هيبارين واتابعه ب PTT
قال ليه هيبارين ليه مو وارفرين قلت لان الوارفرين يبدا مفعوله بعد اربع ايام 
قال طيب طالما كذا بتبدينهم سوا او متى تبدينه ؟ 
ما اتذكر وش جاوبت بس كنت متردده 
اعتقد الجواب الصحيح نبداهم سوا 

بعده قالي تحسن مريضك وش تسوين دسجارج ؟ 
طبعا توهقت وقتها وماعرفت اجاوب فقلت له 
I will consult an expert 
وبس 
والشورت Lower limb neurological examination :
يشبه الاوسكي نوعاً ما ,, مدته عشر دقايق 
اقزامنيشن عادي لشخص طبيعي وقامو يقولون لو لقيتي عنده كذا وش يكون عنده ولو مافيه رفلكس وش تتوقعين وهكذا 
سالوا عن UMNL and LMNL الفروقات 
و ddx for LMNL 
واخر شيء سالوني عن مرض السكري وكرايتيريا التشخيص 



نصائحي لهذه المادة: 


  • كالعادة الدراسة بشكل يومي مهمة. 
  • تدوين ملاحظات الدكاترة بالمحاضرات او السيشن مهم ,, تقريبا بس سيشن واحد ما حضرته والبقية حضرتهم دونت كل شي قالوه ولو قعد الدكتور للساعة خمس العصر يتكلم قعدت معه وهالشي فادني جدا. وحاولت اذاكر اللي كتبته معهم 
  • د سيف اكتبو الاشياء اللي يقولها يبيها منكم بالنص وقت اللونق كيس والحقيقة فادتني بالاورل
  • حاولوا تقرون ECG حق المرضى 
  • كان قروبي نتفق سوا ايش الموضوع اللي نحس عندنا ديفكت فيه ونقول للدكتور يناقشه معنا هالشيء بعد فادني كثير 
  • حضور كل فحص يسويه الدكتور ولو طلب احد يفحص منكم بادرو وافحصو جدا مفيد يعلمونكم اخطاء ما تتوقعونها وينقصونكم عليها باللونق كيس
  • اخذ يوميا على الاقل حالة حتى لو ماراح تعرضها للدكتور 
  • طريقتي كنت اروح المستشفى لو كان فيه فرصة اني ما احضر الميتنق اروح الوارد على طول اشوف الحالات واشوف الدكتور اللي بيجينا لو كان مثلا نيورولجست اخذ حالة نيورولجي وهكذا لكن مو دايم تضبط الخطة 
  • بعد ما اختار حالة اروح واقعد مع نفسي ساعة تقريبا يعني من 8-9 افتح المرض والدفرنشيال حقه واكتب ملخص هستوري كامل للموضوع باهم النقاط اللي تنسال بعدها اشوف مقطع اقزامنيشن واراجع الخطوات بعد ما اجهز نفسي ادخل للمريض ,, بعد ما اخلص ارتب الهستوري برا والاقزامنيشن ولو نسيت شيء اروح اشوف ملف المريض او ارجع للمريض واساله واحاول احط الانفزتقيشن والمنجمنت اللي اشوفه يناسب حالتي عشان لما يسال الدكتور اكون جاهزة 
هنا ثريد كتبته بالتفصيل عن الطريقة هذي وايش المصادر اللي استخدمتها 

  • طبعا احسب الوقت وانا عند المريض عشان اتعود للونق كيس على اني اخلص كل شي بنص ساعة او اقل والباقي اكتب فيه 
بالبداية هالشي كان ياخذ مني من 8-1 تجهيز وكتابة بعدين لما تعودت وصار عندي ملخصات هستوري لاكثر من موضوع صرت اقدر اخذ كم حالة باليوم احيانا 3 
وكنت اتدرب على الاشياء الكومون ثلاث مرات وبكذا تنحفظ براسي 

اخر الايام صرت نقعد انا وقروبي نراجع كل يوم اقزامنيشن ونروح نفحص اكثر من مريض بشكل كامل لنفس السستم ونحسب الوقت  ونعلق لبعض ايش غلطنا ايش نسينا وهكذا وهالشيء فادني جدا لان بالبيت ما فيه وقت اراجع الاقزامنيشن 


  • ونصيحة اخيره احرصوا تختمون المواضيع قبل الاسبوع 11 بيريحكم هالشيء كثير,, اعرف انه صعب بس حاولوا... 


ملخصاتي تلاقونها هنا ,, دعواتكم لي بالقبول بالماتش اذا فادكم 




 ملخصات خالد القرني ادعوا له كمان بالقبول بالماتش ما قصر 


وبالمناسبة مبروووك لكم يا سينيورز عقبال فرحة التخرج يارب 💝😍


اذا عندكم أي سؤال أو استفسار لا تترددون تسألوني  
الله يوفقكم ويسهل اموركم

ان شاء الله يكون الموضوع فادكم 
💓💓💓


ليست هناك تعليقات:

إرسال تعليق