السلام عليكم ,,
بهذه المدونة راح اتكلم عن سنة ثاني ومصادر الدراسة اللي فادتني وقتها ,, ان شاء الله تكون مفيدة للجميع ...
أولاً النظام راح يكون مختلف تماما عن السنة التحضيرية ,, راح تتغير طريقة الدراسة ومدة الدراسة وطريقة استيعاب المعلومة وكل شيء بتحسونه جديد لكن بتتعودون وطبيعة الانسان التعود
المرحلة هذي تأسيسية ومهم تهتمون لبناء اساسكم بشكل صحيح لأن هالمعلومات ما راح ترجع تنعاد عليكم وهي اللي بتفرق بعدين بفهمك للأمراض وطبيعة الجسد
المواد اللي بتاخذونها مقسمة الى 3 مراحل
1. جسم الانسان الطبيعي وعباره عن مادتين
NHM1 and NHM2
2. جسم الانسان الغير طبيعي وايضا عباره عن مادتين
AHM1 and AHM2
3. اخر شي هو muscukoskletal module
طبعا انا متاكده النظام تغير بعدي كثير من ناحية تقسيم الدرجات والاختبارات والخ ممكن تسالون اللي اكبر منكم بسنة ,,
و اللي بحطه بالمدونة هو المصادر اللي فادتني بهذه المواد وبعض النصائح
نبدا بالنصايح:
اولا: الحضور والتركيز مع الدكاترة والدكتورات الين تعرفين مين الدكتور اللي يناسبك شرحه وتفهمين عليه
وكتابة كل شيء يقوله او يركز عليه لان هذه مواطن اسئلته
والدكتور اللي ماتفهمين عليه ممكن تستغلين حضور المحاضره وتسوين شي ثاني تذاكرين لك محاضره او تسوين ملخص
ثانيا: الدراسة اول باول وجهد مستمر خير من كثير منقطع
ثالثا: انا الصراحة ضد التسجيلات بس ممكن بالبداية تسجلين وترجعين بالبيت تسمعينه لما يكون الموضوع استصعب عليك او نسيتي تكتبين نقطه معينه لكن لا تخلينه يخليك تسهين بالمحاضرة اعتمادا على التسجيل
رابعا: احرصي تفهمين قبل تحفظين عشان يسهل الحفظ
خامسا: الكتب من وجهة نظري مو مهمة بالبيسك والافضل المحاضرات وكلام الدكاتره ومقاطع اليوتيوب
فيه موقع عرفته اخر سنه لي بالكلية جدا جميل اسمه AMBOSS جربو تقرون منه حلو ويسوي جداول تساعد بالحفظ
ما عدا الاناتومي اشوف الكتاب مهم
سادسا: اذا تقدرين تشرين ايباد او جهاز لوحي للدراسة لا تستخسرين اي ريال فيه بيفيدك ويسهل دراستك كثير
سابعا: الموضوع اللي يصعب عليك حفظه لخصيه عشان يسهل حفظه
ثامنا: لو ما فهمتي شي استغلي الساعات المكتبية الدكتورات والدكاتره هذا وقتك ومهمتهم يساعدونك انا كنت اروح للدكتوره اللي افهم عليها واسالها اي شي يصعب علي حتى لو مو محاضرتها وكلهم كانو مرحبين
تاسعا: أي مراجعة لأي دكتورة أو دكتور احرصي عليها واحرصي تذاكرين قبلها عشان تقولين اسئلتك وتستفيدين .
عاشرا: تختيم والمراجعة جدا مهمة على الاقل لا يجي الميد الا وانتي مخلصة 85% من المحاضرات المحددة بالاختبار
ومذاكرة كل محاضرة على الاقل مرتين لان زي ما قلت بتلاحظين انك تنسين كل شي وهذا شي طبيعي وكلنا مرينا فيه
و حل الأسئلة مهم مهم مهم مررة بيفيدك سواء تجميعات او pretest
افتحي pretest وحلي
حل الاسئلة هو اللي بيخليك تجيبين درجات عالية ويخليك تفهمين نقاط ضعفك وقوتك وليه ما حليتي السؤال صح
اخر شيء اسالوا الدفعه اللي قبلكم وتخيرو الشخص الصحيح يعلمكم عن اسلوب الدكاتره وكيف طريقتهم بالاسئلة والخ ولا تاخذون النصيحة من اي احد وتطبقونها شوفو وتعلمو الطريقة اللي تناسبكم واستفيدو من خبرات اللي قبلكم
والاكيد الدفعه اللي قبلكم هي اللي تقدر تساعدكم وبتمرون تقريبا بشي يشابه اللي مروا فيه
: الان بتكلم عن مصادر فادتني
Normal human morphology l
عبارة عن اربع مواد
Anatomy علم تشريح
Embryology علم أجنة
Histology علم أنسجة
Physiology علم وظائف
النسبة الأكبر في الاسئلة والمحاضرات هي للأناتومي وبعده امبريولوجي وبعده هستولوجي وفسيولوجي أقل شيء.
الاناتومي:
راح تاخذون بالاناتومي الطرف العلوي والسفلي ، عضلات وعظام وأوردة وشرايين وأعصاب ومفاصل .
المصادر اللي فادتني :
الماده الوحيدة اللي اشوف مهم تشرون او تحملون الكتاب اللي مقرر من الجامعة لان كنت اذاكر منه جداوله حلوه
1. الاطلس مهم تشرون كتاب او تحملونه وتشوفون الصور وبيفيدكم الى ثالث من الكتب اللي كانت عاجبتني
2. essential anatomy 5
فيه برنامج ساعدني مرة اسمه essential anatomy 5 طبعاً تطبيق مدفوع ب 50 ريال لكن ما ندمت اني شريته .
هذا الرابط للتحميل متوفر لكل الأجهزة
Essential Anatomy 5 by 3D4Medical.com, LLC
تشوفين العضلات ثري دي ويقرا لك الاسم ونطقه ويوضح لك كل شي
الاعصاب والشرايين كل شي يوضحه بطريقة حلوه
القنوات المفيدة بيوتيوب
قناة احمد كمال
كنت احب اتابع قناة احمد كمال لانه يشرح الموضوع بوقت قصير ومفهوم
قناة مجدي سعيد
بنات ناسبهم مجدي سعيد كمان يشرح اناتومي لكن انا ما احب اللي يطولون بالشرح مقاطعه تقريباً نص ساعة
قناة Acland's anatomy
شرحه جميل على الجثث ويوضح لك كيف التشريح على الجثث عشان الاوسبي
بتواجهون صعوبة بالبداية بحفظ العضلات والـ origin & insertion والعصب اللي يغذيها لكن مع الوقت بتتعودون .
الأعصاب جداً مهمة وclinical notes عنهم مهمة مرة ومهم تفهمونها تلقونها اخر صفحات فصل الطرف العلوي والسفلي .
الهستولوجي والامبريولوجي كنت اعتمد على كلام الدكتورة وشرحها ولكن نقلت فما اعرف ممكن تسالون اللي اكبر منكم بسنة عن الدكتورات الحين
الفسيولوجي :
عن نفسي ماكنت افهم الفسيولوجي الا من يوتيوب فكنت اشوف نجيب صحيح ساعة محاضراته بس كنت افهم منه
Normal human morphology I I
عبارة عن مادة وحدة
Biochemistry كيمياء حيوية
على وقتي درستنا د رضا اعتمدوا عروضها واكتبوا كل شيء تقوله لأن احيانا تقول معلومات مو موجودة بالعروض وتجي بالاختبار .
فيه بنات يرتاحوا لشرحها ويفهموه وفيه بنات لا
ممكن تشوفون على اليوتيوب قناة
Moof university
Khan academy
قناة دكتور محمود الطويل
كنت افهم على شرحه
فيه بعد كتاب كان يعجبني الـ pathways حقته اكتب بقوقل
Harpers ---- pathway وتطلع لي الصور احسه اوضح من لبكونت
Abnormal human morphology I
عبارة عن
Microbiology علم ميكروبات
Pharmacology علم أدوية
النسبة الكبيرة في المحاضرات والأسئلة للمايكروبيولوجي
المايكروبيولجي:
اعتمدوا عروض د شيرين وذاكروها أول بأول وحلوا أسئلة كثير .
لأن الكمية كبيرة جداً وراح تكون متعبة .
انا كنت احب شرح د شيرين وافهم عليها
فيه مصادر حلوة ممكن تساعدكم بالفهم:
سكيتشي الحقيقة حلو ويشرح كانه فيلم كرتون انصحكم فيه
قناة د محمد ال قمبر
شرحه حلو ومفيده بس ما فيه كل المواضيع
الفارماكولوجي:
حقيقة من اصعب المواد علي لكن زي ما يقولون التكرار يعلم الشطار ذاكروها اكثر من مرة وحاولوا تربطون
من القنوات المفيدة
قناة عبدالمتعال فودة
سكيتشي يشرح فارما بعد
Abnormal human morphology I l
عبارة عن
Pathology علم أمراض
نسبة الاسئلة والمحاضرات أكبر للباثولوجي
بالباثولوجي انا اعتمدت على عروض دكتور مجدي لأنها مرتبة وشاملة لكل شيء فأنصحكم فيها
وانا صراحة ما كنت أفهم بالباث مع الدكتورات الا بجزئية د مروة كان شرحها جميل .
كنت اعتمد على سامح غازي باليوتيوب شرحه جدا جميل للباث لكن الصوت والتصوير سيء .
باثوما كان يعجب بعض البنات انا ما حبيته ممكن تشوفون مقاطعه لو حبيتو
فيه كتاب اسئلة على وقتي كان يجي بالنص ممكن يساعدكم كنت احل فيه بثاني وثالث وفادني الحقيقة كثير
وللبايو نفس البلوك الأول .
Musculoskeletal system
عبارة عن
Anatomy
Pharmacology
Biochemistry
Physiology
Pathology
Orthopedic
Pediatric
النسبة الأكبر أناتومي بعده باثولوجي بعده بايوكمستري بعده فيسيولوجي بعده فارماكولوجي واخر شيء اورثوبيديك وبيدياترك
راح تبدون تاخذون فيه
Problem base learning
راح تاخذوا حالتين
طبعا راح يقسموكم مجموعات وكل مجموعة مع دكتورة
وراح تاخذوا الحالة والاسبوع الثاني تناقشوها
بالنهائي كيف ممكن تجي غالبا بتجي من الباث راح تجيك حالة بعدها عليها ١٠ أسئلة كتابة مو اختياري يسألك ايش تتوقعي ذا المرض وايش اللي يشبه له وايش اعراضه وايش الاختبارات اللي بتسويها بالمعمل وكيف تعالجي الحالة
جا السنة اللي قبلنا Gout
وحنا Rheumatoid Arthritis
راح تاخذوا عضلات الوجه والرقبة والبطن والصدر وcranial nerves
وخلاص بتكونون تعودتو وعرفتو طريقة المذاكرة الصح والمصادر اللي تريحكم
بيكون عليكم اسهل من اللي قبل
الاورثوبيديك والبيدياترك بيقولوا لكم ما يجي منها اسئله مو مهمة ومدري ايش لكن انا اقولكم اربع اسئلة جت على الاورثوبيديك والبيدياترك سؤال .
ممكن تشوفون هالكتاب فيه كل بلوك شابتر ماعرفته الا نهاية ثالث
أَفَمَنْ أَسَّسَ بُنْيَانَهُ عَلَىٰ تَقْوَىٰ مِنَ اللَّهِ وَرِضْوَانٍ خَيْرٌ
أَم مَّنْ أَسَّسَ بُنْيَانَهُ عَلَىٰ شَفَا جُرُفٍ هَارٍ فَانْهَارَ بِهِ
اذا عندكم أي سؤال أو استفسار لا تترددون تسألوني
الله يوفقكم ويسهل اموركم
ان شاء الله يكون الموضوع فادكم
💓💓💓
ليست هناك تعليقات:
إرسال تعليق